-
A medida entrou hoxe mesmo en vigor e prolongarase ata que melloren as condicións sanitarias //
-
Mantéñense as clases de bolillos e costura, porque son grupos son dun máximo de catro persoas //
O Concello do Pino decidiu suspender todas as actividades deportivas para adultos e tamén as escolas deportivas municipais para o alumnado do colexio, por mor da evolución da pandemia da covid-19 e as novas restricións aprobadas pola Xunta de Galicia. A medida, que entra hoxe en vigor, manterase ata que melloren as condicións sanitarias.
Todas as actividades deportivas para adultos, que xa contaban con grupos reducidos e que se viñan desenvolvendo nos polideportivos de Lameiro e de Pedrouzo, quedan suspendidas ata novo aviso. O mesmo ocorre con todas as actividades das escolas deportivas municipais.
A medida, adoptada onte polo goberno do Pino, aplícase dende hoxe mesmo, polo que se suspenderon xa as actividades programadas para esta tarde. Hoxe tamén entran en funcionamento as novas restricións aprobadas pola Xunta de Galicia para evitar a propagación da pandemia.
Polo que respecta ás actividades culturais, seguirán impartíndose as clases de bolillos e de costura, porque xa contaban con grupos reducidos de 4 persoas.
Con esta medida, o goberno do Pino “quere contribuír coas autoridades sanitarias a evitar a propagación da pandemia. Pedímoslle comprensión á veciñanza. Sabemos que estas medidas causan molestias, pero nestes momento o máis importante é evitar posibles focos de contaxio”, sinalou o alcalde, Manuel Taboada.
Devolución de cotas
Respecto as cotas das actividades durante o período que estas estean suspendidas pola pandemia, o Concello do Pino devolveralle a parte correspondente a todas as persoas usuarias que o soliciten. Esta devolución farase unha vez rematado o período das actividades deportivas, previsto nuns casos no mes de maio e, noutro, no de xuño. A partir desa data, a todas as persoas que o soliciten, devolveráselle a parte correspondente ao tempo que as actividades estean suspendidas por indicación das autoridades sanitarias.
