O Concello do Pino fai pública a resolución da alcaldía que recolle a relación de subvencións concedidas, desestimadas e denegadas en resposta ás solicitudes recibidas polo consistorio ao abeiro da convocatoria do PEL-Reactiva, plan da Deputación da Coruña para a reactivación económica e social co obxecto de facerlle fronte á crise xerada pola pandemia da covid-19.
Foron concedidas un total de 41 axudas a establecementos que tiveron que pechar polo estado de alarma e outra máis a un negocio que, malia seguir aberto, viu reducida a súa facturación en máis dun 75% con respecto ao mesmo trimestre fiscal do ano anterior.
A resolución pódese consultar no documento adxunto.
Os beneficiários das axudas deberán facer publicidade do financiamento da actividade realizada, aos efectos de dar cumprimento ao artigo 14.10 das bases reguladoras do PEL REACTIVA (BOP do 12/08/2020), figurando expresamente nun lugar visible do centro de traballo, o logotipo do Concello do Pino e da Deputación con mención expresa ao Plan de Emprego Local da Deputación da Coruña. Ademais deberán darlle publicidade nun lugar preferente da páxina web da empresa, de existir esta. Para cumprir con este requerimento das bases poden utilizar a Imaxe que figura no encabezado desta nova e tamén o PDF que se adxunta. Se precisan dunha Imaxe en maior calidade, pódena solicitar no Concello do Pino, enviando un correo electrónico ao enderezo correo@opino.gal
