O taller de maquillaxe de ollos, o de tatuaxes na pel e o photocall foron os máis demandados por nenas e nenos ||
Moitas familias animáronse a probar cos xogos tradicionais ||
A cativada non deixou de bailar e participar nos xogos propostos polo paiaso de Peque Disco Moc Moc ||
Os malabares pequenos de lume deixaron a algún coa boca aberta ||
Moito disfrace, moitas ganas de pasalo ben e moita participación. Así poderíase resumir a Tarde de Entroido que onte organizou o Concello do Pino. Ata a praza do Concello achegáronse dende primeira hora moitos nenos e nenas que axiña deixaron claras cales eran as súas propostas favoritas. Os maquillaxe de ollos e os tatuaxes na pel foron dos máis demandados, aínda que durante toda tarde houbo tamén cola para facer figuras con globos ou deseñar e pintar máscaras e complementos para o photocall.
Todo isto dentro da carpa, porque fora moitos papás e mamás animáronse a xogar ao tres en raia, a yenga ou ao mikado durante toda a tarde, mentres a cola para coller un algodón de azucre paracía que non se daba acabado dende que a máquina se puxo a funcionar.
A maioría dos nenos e nenas acudiron disfrazados ata o campo da festa, e non deixaron de participar en todas as actividades. Dun xeito especial cando comezou o espectáculo do paiaso da Peque Disco Moc Moc, que fixo bailar a pequenos e maiores durante unha hora. Os malabares pequenos con lume puxeron un gran colofón a unha tarde divertida e animada coa que o Concello celebrou este ano o Entroido.
Máis fotos na páxina de Facebook do Concello de O Pino (neste enlace).
