Este martes, 5 de xaneiro, os Reis Magos volverán percorrer un ano máis as parroquias do Pino para saudar a todos os nenos e nenas que queiran velos. Por este motivo, en Arca visitarán cinco puntos diferentes para repartir ilusión entre a cativada. Este ano non haberá a recepción no polideportivo municipal, e respectaranse as normas sanitarias para evitar a propagación da covid-19.
Melchor, Gaspar e Baltasar farán o percorrido tradicional polas parroquias do Pino, empezando en Pereira ás 10.45 horas. Despois visitarán Castrofeito, Budiño, O Pino, Gonzar, Medín, Pastor e Lardeiros, pola mañá. Pola tarde pasarán por San Breixo, San Mamede, Cerceda e Cebreiro, antes de chegar a Arca. Na capital municipal pasarán polo campo da festa, pola igrexa, a explanada da rúa Fontela, a praza de Forcarei e rematarán na praza do Concello.
Dende o Concello pídeselle as familias que respecten en todo momento a distancia de seguridade e que acudan a un só lugar para ver aos Reis Magos, para evitar aglomeracións. Un equipo de voluntarios que colaboran coa organización estarán en cada punto para que se respecten as medidas sanitarias.
Os horarios previsto para que o martes, día 5 de xaneiro, os Magos de Oriente visiten as parroquias do Pino é o seguinte:
- 10.45…….. Pereira………………………….. Campo da festa
- 11.15…….. Castrofeito……………………… Escola de Santiso
- 11.45…….. Budiño…………………………… Campo da festa
- 12.00…….. O Pino…………………………… Campo da festa
- 12.30…….. Gonzar………………………….. Campo da festa
- 13.00…….. Medín……………………………. Campo da festa
- 13.25…….. Pastor…………………………… Campo da festa
- 13.50…….. Lardeiros……………………….. Campo da festa
- 16.00…….. San Breixo………………………. Campo da festa
- 16.30…….. San Mamede……………………. Campo da festa
- 17.00…….. San Miguel Cerceda……………. Igrexa
- 17.30…….. Cebreiro………………………… Campo da festa
- 18.00…….. Arca……………………………… Campo da festa
- 18.20…….. Arca……………………………… Igrexa
- 18.45…….. Arca……………………………… Explanada rúa Fontela
- 19.10…….. Arca……………………………… Praza de Forcarei
- 19.30…….. Arca……………………………… Praza do Concello
