Melchor, Gaspar e Baltasar volveron ser fieis a súa cita cos nenos e nenas do Pino. Durante todo o día do martes estiveron visitando as parroquias para falar coa cativada do municipio e recoller as últimas cartas que lles entregaron antes da noite máis máxica do ano.
As caras de sorpresa foron unha constante durante todo do día, sobre todo entre as pequenas e pequenos máis novos. Coa emoción, moitos deles non foron quen de dicir nin unha palabra.
A cada neno e nena, Melchor, Gaspar e Baltasar deixábanlle un pequeno agasallo, unha bolsa con caramelos sen glute e algunha sorpresa. Durante todo os día, os Reis Magos repartiron máis de medio milleiros de agasallos, e tamén caramelos entre os maiores.
Un minibús foi o encargado de levar aos tres magos polo percorrido do Pino, mentres os camelos descansaban tras unha longa viaxe dende Oriente. A comitiva rematou en Arca, visitando o campo da festa, a Igrexa, a explanada da rúa Fontela, a praza de Forcarei e a praza do Concello. Preto das oito da tarde, e despois de aconsellarlles a todas as nenas e nenos que fosen deitarse cedo, Melchor, Gaspar e Baltasar partiron de Arca para comezar co reparto de xoguetes en todos os fogares.
Podedes ver o álbum de fotos no perfil de Facebook do Concello do Pino e premendo neste enlace.
