O Concello do Pino informa de que xa está aberto o prazo para que as persoas responsables das comisións de festas das trece parroquias do municipio soliciten as axudas municipais destinadas a facer as festas patronais neste ano 2024. As achegas, nominativas e que asceden aos 900 euros, están recollidas no Plan Estratéxico de Subvencións do Concello do Pino 2021-204 con cargo ao orzamento 2024.
De cara a proceder á tramitación destas subvencións, as persoas interesadas deberán presentar a seguinte documentación:
- NIF da entidade
- Declración responsable na que se fai constar que cumpre con todos os requisitos para se beneficiar da axuda segundo o disposto no artigo 13 da Lei 38/2003; que non está incursa en ningún suposto de incompatibilidade para a percepción de subvencións públicas; que se atopa ao corrente de pago dos seus deberes tributarios e coa Seguridade Social e que non ten pendente de pago ningunha cantidade derivada de expedientes de reintegro de subvencións
- Declaración responsable do compromiso de que todo o persoal adicado a realización das actividades ou proxectos solicitados que impliquen contacto habitual con menores cumpre co requisito previsto no art. 13.5 da Lei Orgánica 1/1996, de 15 de xaneiro de Protección Xurídica do menor e no art. 8.4 da Lei 45/2015, de 14 de outubro, de Voluntariado
- Certificación bancaria do número de conta a nome da asociación por entidade beneficiada, en o que se deba facer o ingreso da axuda correspondente
- Nomeamento de cargos en vigor
- Certificados expedidos pola AEAT, ATRIGA e a Seguridade Social acreditativos de estar ao corrente no cumprimento dos seus deberes.
