O Concello de O Pino abre o prazo de preinscrición para que os alumnos de Infantil, Primaria e ESO que o desexen poidan asistir ao Inglés Lúdico, unha actividade que promove o departamento de Servizos Sociais da Concellería de Muller e Benestar Social. O prazo remata o 21 de setembro, ás 14.00 horas e a asignación de prazas farase por rigorosa orde de preinscrición.
No Inglés Lúdico poden participar nenas e nenos de 3 a 16 anos. As clases desenvolveranse no local municipal situado na praza de Forcarei, a partir do mes de outubro. Inicialmente está previsto que sexan os martes e venres, aínda que os días e clases van depender do número final de inscritos.
O prazos establecidos para este proceso son os seguintes:
21 de setembroás 14.00 horas. Remata o prazo de preinscrición.
24 de setembro: Publicación no taboleiro de anuncios do concello do listado de admitidos, asignación de grupo e horario.
28 de setembro:Remata o prazo de confirmación de praza mediante o abonamento correspondente ao primeiro trimestre ou a cota única. Farase no departamento de Servizos Sociais.
Outubro: comezo das clases.
O pasado curso participaron un cento de nenos e nenas nesta actividade, por eso é importante facer a preinscrición o antes posible.
Para máis información, contactar co departamento de Servizos Sociais do concello persoalmente o a través do teléfono 981 511 002.
