O galo piñeiro está presente en dous dos catro traballos gañadores do concurso de carteis do Entroido 2020, organizado polo Concello de O Pino entre o alumnado do municipio. Os debuxos premiados ilustran o cartel do XXII Concurso de Disfraces. Ademais, os gañadores recibirán un agasallo no transcurso da gala de disfraces de Entroido que se celebrará o domingo 23 de febreiro.
Na categoría de 3 a 5 anos gañou a aula de 5ª B de Infantil do CPI Camiño de Santiago, mentres que na modalidade de 6 a 8 o mellor cartel foi o de Ayla Barneche Gómez. Ana Fidalgo Suárez, de 4ª de Primaria, gañou na categoría de 9 a 11 anos, e Xiana Noya Hermida, alumna de 1ª da ESO, na de 12 a 17 anos.
As bases do XXII Concurso de Disfraces e follas de inscrición poden consultarse neste enlace.
