O alcalde recorda a importancia de usar a máscara e manter a distancia de seguridade //
O sábado detectáronse 5 positivos nun grupo de 28 peregrinos da Comunidade Valenciana que estaban en dous albergues de Arca //
Todos eles regresaron en coche para as súas casas o domingo //
“Nestes momentos no Pino non hai ningún caso positivo vencellado ao Camiño”, afirma Manuel Taboada //
O alcalde do Pino pídelle á veciñanza que reforce as medidas de prevención, usando máscaras e mantendo a distancia de seguridade, para evitar un novo brote de coronavirus, como o que se detectou o pasado sábado en Arca. A Consellería de Sanidade informou ao Concello que se identificou un abrollo de 22 positivos en peregrinos procedentes da Comunidade Valenciana que se atopaban en dous albergues privados de Arca.A Consellería de Sanidade informou hoxe ao Concello de que o sábado se rexistraron cinco positivos nun grupo de 28 persoas mozas que fixeron etapa no Pino, polo que a Xunta activo o protocolo poñéndoas a todas en corentena. Logo de facerlles probas PCR a todos os membros do grupo, confirmáronse o domingo outros 17 positivos en covid. En vehículos particulares, emprenderon o regreso ás súas casas.
- Dende o Concello, o alcalde recorda que é a Consellería de Sanidade quen establece os protocolos e determina as actuacións que se deben pór en marcha. Neste senso informa que despois de ser inspeccionados a fondo polas autoridades sanitarias, os dous albergues seguen abertos.
- Manuel Taboada pídelle a veciñanza “responsabilidade e prudencia, cumprindo coas recomendacións das autoridades sanitarias, usando a máscara e mantendo a distancia de seguridade en todo momento” para evitar este tipo de abrollos. A mesma prudencia é a que lle pide o alcalde ao sector da hostalaría, “profesionais que están a cumprir coa normativa para evitar a propagación da pandemia, reforzando a limpeza e desinfección de todos os espazos e materiais”.
O abrollo deste sábado rexistrouse nun grupo de 28 peregrinos que se aloxaba en dous albergues privados de Arca, segundo informaron dende a Consellería de Sanidade ao Concello de O Pino. Tiñan entre 20 e 21 anos e, na súa maior parte, procedían da Comunidade de Valencia.
Segundo lle informou a Consellería de Sanidade, “nestes momentos no Pino non hai ningún caso positivo de coronavirus vencellado ao Camiño de Santiago”, afirma o alcalde. “O Camiño é seguro, e para mantelo así todos debemos ser prudentes”, conclúe.
Contacto
Concello de O Pino
Enderezo: Rúa do Concello s/n
15821 Pedrouzo.- Arca (O Pino)
Tfno: 981 51 10 02
Fax: 981 51 11 23
Email: correo@opino.gal
