O Concello de O Pino abre o período de preinscrición para as actividades de inglés lúdico e de reforzo, que este curso se desenvolverán en grupos reducidos. As persoas interesadas poderán anotarse ata o venres 25 de setembro.
Debido á situación epidemiolóxica actual, as clases de inglés lúdico para o grupo de Infantil serán de 6 alumnos como máximo, mentres que no grupo de Primaria poderán asistir ata 9 alumnos. Mentres, as clases de reforzo para mellorar o nivel de inglés dirixidas ao alumnado de Primaria contarán con grupos de 8 alumnos máximo.
A preinscrición poderase facer ata o venres 25 de setembro ás 14.00 h. na Concellaría de Muller e Benestar Social, no departamento de Servizos Sociais (máis información no teléfono 981 511 002).
O luns 28 publicarase no taboleiro do Concello o listado de admitidos, asignación de grupo e horarios. A confirmación de praza deberá facerse antes venres 2 de outubro, mediante o aboamento da cota correspondente ao primeiro trimestre ou anual, segundo se elixa.
Inglés de reforzo. Formulario de inscrición
