Asistentes a primeira xornada do Camiña e Descubre 2019 antes de empezar o tramo Valença-O Porriño o 19 de xaneiro
O Concello de O Pino ten programado para este sábado, 16 de febreiro, a segunda xornada do o Camiña e Descubre, que este ano se está a dedicar a coñecer un pouco máis o Camiño Portugués. Tras o éxito da primeira xornada, na que participaron 60 persoas que percorreron o tramo entre Valença do Miño (Portugal) e O Porriño, este terceiro sábado de febreiro, fase o tramo entre O Porriño e Redondela.
As persoas interesadas en participar poden anotarse ata o xoves, día 14, ás dúas da tarde, no Centro Sociocultural Luis Seoane ou na biblioteca municipal (981 511 065), abonando os 8 euros de colaboración.
O Concello de O Pino pon un autobús para desprazar aos asistentes ata o punto de saída e recollelos tras a chegada ao final da etapa. Nesta ocasión, o autobús sairá ás 7.30 horas da praza do Concello para viaxar ata O Porriño.
O Camiña e Descubre celébrase os terceiros sábados de cada mes. Nesta quinta edición estase a percorrer o Camiño Portugués, para que o se estiman unhas seta etapas ata chegar a Compostela.
