Nenos e nenas foron os grandes protagonistas da segunda xornada da Festa de Nadal do Concello de O Pino, como non podía ser doutro xeito. Os xogos tradicionais e os obradoiros de canón de confeti e de creación de adornos de Nadal con calceta serviron para quentar motores nunha tarde de inverno moi especial.
A música dos Viqueiras de Ordes, que interpretaron panxoliñas moi coñecidas polo público asistente, e a degustación de chocolate con churros para quentar o corpo, foron outros dos puntos fortes dunha xornada festiva que rematou co acendido da árbore de Nadal na Praza do Concello.
A programación de Nadal municipal continuará co concerto da Banda de Música de Arca, que terá lugar o domingo 26 de decembro no auditorio da casa da cultura en Arca. Ademais, segue en marcha o VIII Nadal Benéfico. Esta iniciativa solidaria convida á veciñanza a achegar alimentos non perecedoiros, produtos de hixiene persoal e produtos de limpeza ata o 31 de xaneiro de 2022. As doazóns poderán entregarse no centro sociocultural Luís Seoane ou nos supermercados Dia, Eroski e Onda no Pino.
Máis fotos na páxina de Facebook do Concello de O Pino (neste enlace).
