14 de xuño de 2024
Publícase o acordo da Xunta de Goberno Local coa concesión definitiva de subvencións municipais para asociacións veciñais, culturais, deportivas e de patrimonio histórico do Concello do Pino.
O acordo pode consultarse no documento adxunto.
30 de maio de 2024
Publícase o acordo da Xunta de Goberno Local de aprobación da concesión provisional de subvencións para asociacións veciñais, culturais, deportivas e de patrimonio histórico no Concello do Pino.
13 de marzo de 2024
O Boletín Oficial da Provincia (BOP) publica unha corrección de erros no extracto das bases da convocatoria de subvencións para asociacións veciñais, culturais, deportivas e de patrimonio histórico do Concello do Pino para o exercicio 2024. O prazo de presentación de solicitudes remata o 7 de abril.
Onde di:
Quinto.-Prazo e lugar de presentación de solicitudes.
A solicitude de subvención presentarase na sede electrónica do Concello do Pino https://opino.sedelectronica.gal no prazo de 10 días hábiles contados a partir do día seguinte ao da publicación do extracto desta convocatoria no Boletín oficial da provincia da Coruña.
debe dicir:
Quinto.-Prazo e lugar de presentación de solicitudes.
A solicitude de subvención presentarase na sede electrónica do Concello do Pino https://opino.sedelectronica.gal no prazo dun mes contados a partir do día seguinte ao da publicación do extracto desta convocatoria no Boletín oficial da provincia da Coruña.
O prazo para presentar as solicitudes remata o 7 de abril de 2024.
7 de marzo de 2024
O Boletín Oficial da Provincia (BOP) publica o extracto das bases da convocatoria de subvencións para asociacións veciñais, culturais, deportivas e de patrimonio histórico do Concello do Pino para o exercicio 2024. O prazo de presentación de solicitudes comeza ao día seguinte ao da publicación do extracto desta convocatoria.
4 de marzo de 2024
O Boletín Oficial da Provincia (BOP) publica na súa edición de hoxe, luns 4 de marzo, o anuncio da aprobación das bases da convocatoria de subvencións municipais destinadas a asociacións e entidades sen ánimo de lucro do Concello do Pino para o presente exercicio 2024. A convocatoria diríxese ás entidades veciñais, culturais, deportivas e do patrimonio histórico do Pino, co obxecto de promover e apoiar estas entidades como ferramentas activadoras e catalizadoras da participación cidadá. O Concello do Pino destina a estas axudas un total de 41.550 € de fondos propios.
As solicitudes presentaranse na sede electrónica do Concello do Pino no prazo dun mes contado a partir do día seguinte ao da publicación do extracto desta convocatoria no BOP.
A instrución do procedemento de concesión corresponde ao departamento de secretaría-intervención, que formulará unha proposta de resolución provisional. Tras esta publicación concederase ás entidades solicitantes un prazo de cinco días naturais para presentar as alegacións que estimen oportunas.
O prazo de xustificación da subvención será 1 de decembro deste ano para todas aquelas entidades que resulten finalmente beneficiadas con algunha destas axudas.
O anuncio da convocatoria, así como as bases da mesma e os anexos pódense consultar no arquivo adxunto.
