O Concello de O Pino vén de distribuír entre toda a veciñanza un novo número da revista informativa municipal ‘Faísca’, que repasa as actividades e iniciativas desenvolvidas no ano 2019.
En corenta páxinas, o número 11 de ‘Faísca’ recolle informacións e fotografías de temas moi variados: celebracións como a Festa do Galo e a Feira Celta ou o a XXIII Xuntanza dos Maiores; programas formativos como a iniciativa pioneira ‘Mimos de mamá’ ou o obradoiro de emprego; actividades como as desenvolvidas nas escolas deportivas municipais para pequenos e maiores; eventos como o Pescapino ou a Carreira Pedestre; servizos como a Axuda no Fogar ou os programas de conciliación… e un longo etcétera.
‘Faísca’ distribuiuse a todos os domicilios do Pino acompañada pola felicitación que resultou gañadora no concurso de tarxetas de Nadal, realizada pola clase de 2ª B de Primeria do CPI Camiño de Santiago. A revista tamén está dispoñible en formato dixital. O Concello tamén editou o calendario de parede de 2020, que pode recollerse nas oficinas municipais e no centro sociocultural Luís Seoane.
