O pago deberá ser abonado antes do 23 de xuño ||
As renuncias a unha praza deben presentarse por escrito ||
Escola de Verán no concello do Pino. Segunda quenda de agosto. Nas instalacións do CPI Camiño de Santiago en Arca. Festa da auga.
20 de xuño de 2022
Queda publicado o informe sobre a aprobación do listado de admitidos/as nas escolas de verán para este ano 2022. Para formalizar a inscrición deberá facerse un ingreso en conta bancaria especificando nome do usuario/a e datas de asistencia na razón. Hai de prazo ata o xoves día 23 de xuño para realizar o pago nas dependencias do Concello ou na sede electrónica, así como para entregar o xustificante do mesmo. Cabe sinalar a importancia capital de que, en caso de renunciar a unha praza asignada, debe ser notificado por escrito ao Concello.
A resolución pode ser consultada neste arquivo:
25 de maio de 2022
O Concello do Pino ven de abrir a inscrición para a súa Escola de Verán, que se desenvolverá do 23 de xuño ao 7 de setembro, ámbolos dous días inclusive. Ata o vindeiro 17 de xuño pódese solicitar praza neste programa de conciliación que o Concello les ofrece ás familias do Pino con necesidades de conciliar a vida laboral e familiar durante as vacacións escolares. As actividades, que se desenvolverán no pavillón municipal e nos exteriores do CPI Camiño de Santiago (Arca), están abertas a menores do Pino de idades comprendidas entre os 3 e os 12 anos.
A Escola de Verán contempla un total seis quendas: do 23 ao 30 de xuño; do 1 ao 15 de xuño; do 16 ao 31 de xullo; do 1 ao 15 de agosto; do 16 ao 31 de agosto e do 1 ao 7 de setembro. O programa de conciliación desenvolverase de luns a venres en horario de 8.30 a 14.30 horas (agás os festivos no que non se realizará o programa). O horario de recollida do alumnado farase entre as 13.30 e as 14.30 horas.
En total, o Concello do Pino oferta 50 prazas por quenda no programa, quedando supeditada á celebración do campamento de conciliación a que haxa un número mínimo de participantes. No caso de que as solicitudes superen a dispoñibilidade de prazas, primaranse os seguintes criterios: empadroamento (cun mínimo de 3 meses de antigüidade); recomendacións dos Servizos Sociais por situacións especiais; familias monoparentais, menores escolarizados no Concello do Pino; que o pai, nai ou titor legal traballe no termo municipal e participantes que estean gozando das súas vacacións no Pino.
A listaxe de persoas admitidas no programa publicarase tanto na páxina web do Concello como no taboleiro de edictos. De presentarse solicitudes para varios irmáns nunha mesma quenda, a admisión dun deles suporá a do resto. Os solicitantes que queden sen praza pasarán a formar parte dunha listaxe de agarda.
Inscrición ata o 17 de xuño
A data límite para poder inscribirse na Escola de Verán é o vindeiro 17 de xuño. Para poder facer a inscrición é necesario cubrir a ficha e a instancia que se poden descargar nos arquivos adjuntos ou recollela nas dependencias municipais en horario de 9.00 a 14.00 horas. Una vez cumprimentada, a ficha de inscrición presentarase na sede electrónica para o seu rexistro ou no propio Concello.
O prezo da Escola de Verán será de 20 euros a quincena en xullo e agosto (40 € o mes completo) e de 10 euros as quendas de xuño e setembro. As familias numerosas terán un desconto do 20% a partir do segundo fillo, presentando o título de familia numerosa.
As cotas pagaranse unha vez que se saiba que o solicitante conta con praza logo da publicación das listaxes de admitidos. Nesta lista figurará a cantidade a abonar, xunto ás datas de asistencia.
Unha vez efectuado o pago, presentarase o xustificante ben nas dependencias do Concello ou ben a través da sede electrónica antes do 23 de xuño.
