O prazo estará aberto ata o 12 de abril // As peticións faranse preferiblemente por vía telemática a través da sede electrónica da Xunta//
As familias con nenos e nenas de 0 a 3 anos xa poden solicitar praza para o vindeiro curso na escola infantil A Galiña Azul do Pino. O prazo estará aberto ata o vindeiro 12 de abril tanto para novas incorporacións como para renovar unha praza existente.
Tanto as bases do procedemento como os formularios poden consultarse premendo nesta ligazón. As solicitudes, xunto coa documentación requerida, presentarase preferiblemente por vía electrónica a través do formulario normalizado dispoñible neste mesmo lugar da sede electrónica da Xunta de Galicia, empregado calquera dos mecanismos admitidos por sede electrónica (incluída a chave 365)
Opcionalmente tamén se poderán descargar os formularios, cubrilos e logo entregalos presencialmente en calquera dos lugares e rexistros establecidos na normativa reguladora do procedemento administrativo común.
Por último, e como terceira vía, o trámite poderá realizarse na propia escola A Galiña Azul do Pino, sempre con cita previa a través do número de teléfono da escola 981 511 012. Neste caso, só poderá acudir ao centro unha persoa por familia.
Aquelas familias que teñan dúbidas co procedemento poden poñerse en contacto coa escola infantil A Galiña Azul do Pino ven a través do teléfono (981 511 012) ou mandando un correo electrónico ao enderezo escolainfantil.opino@igualdadebenestar.org.
