Concellería de Muller e Benestar Social do Concello de O Pino pon en marcha un ano máis a ximnasia por parroquia para maiores, que ten por finalidade fomentar o envellecemento activo da veciñanza achegando a práctica de exercicios aos diferentes locais socias das parroquias. Os interseados poderán practicar deporte ata o 28 de xuño de 2019.
A actividade comezará o vindeiro 2 de outubro e requírese un grupo mínimo de 10 persoas en cada parroquia para poder poñela en marcha. En función do número de inscritos, poderase variar a composición dos grupos e os horarios.
Inicialmente, ofértase esta actividade nos locais sociais das parroquias de:
- Pastor: martes e xoves de 14:45 a 16:45
- Lardeiros-Medín: martes e xoves de 16:55 a 17:55
- Gonzar-O Pino: martes e xoves de 17:00 a 18:00
- Castrofeito-Pereira: Marte e xoves de 18:30 a 19:30
- Ferreiros, local social de Boavista-San Verísimo e S. Mamede: martes e venres, de 18:15 a 19:15
- Budiño: martes e venres, de 19:30 a 20:30.
O prezo da actividade e de 45 euros anuais para as persoas empadroadas no Pino. Os non empadroados deberán aboar 90 euros. O Pago farase dunha soa vez.
Para máis información e inscricións pódense dirixir á Concellería de Muller e Benestar Social, na casa consistorial, preguntando por Cruz Toande; chamar ao teléfono 981511002 ou enviando un correo electrónico a cruz.toande@opino.gal.
Pódese consultar a proposta de horarios no arquivo adxunto.
