Xa se pode solicitar cita previa para pasar a ITV agrícola en Gonzar e Pereira en marzo

A Alcaldía do Pino informa de que empresa Supervisión y Control S.A. desprazará en marzo a súa unidade móbil de inspección técnica de maquinarias agrícolas ás parroquias de Gonzar e Pereira.
En Gonzar, a ITV agrícola realizarase na explanada da escola unitaria o luns 14 de marzo e o martes 15 de marzo. Na Pereira, desenvolverase ao día seguinte, mércores 16 de marzo, no campo da festa do Amenal. O horario de atención será o mesmo durante os tres días: de 9.00 a 13.30 horas polas mañás e de 15.15 a 18 horas polas tardes.
A veciñanza do Pino interesada en pasar a ITV agrícola, deberá concertar cita previa no teléfono 902 30 90 00 ou na páxina web www.sycit.com (cita previa).