José Ángel Docobo, Pedro Pablo Campo e Luca Piccotti explicáronlles ás pesoas presentes algunhas peculiaridades da vía láctea e do sistema solar ||
A iniciativa do Observatorio Ramón María Aller da USC está en marcha nos Camiños de Santiago en 5 autonomías ||
Xúpiter e Saturno e algunhas das estrelas que forman o Triángulo de Verán (Vega, Altair e Dened) puideron ser obervadas onte á noite polas trinta persoas que participaron no programa Camiño de Estrelas, promovido polo Observatorio Astronómico Ramón María Aller (da USC) para trasladar ao público a relación da Vía Láctea co Camiño de Santiago.
José Ángel Docobo, director do observatorio, e os profesores Pedro Pablo Campo e Luca Piccotti foron os encargados de contar algunhas anécdotas dos planetas do sistema solar e da propia Vía Láctea e a súa relación co Camiño de Santiago.
Grazas aos dous telescopios que desprazaron ata a praza do Concello, en Pedrouzos, veciños e veciñas do Pino puideron ver os aneis de Saturno, o planeta Xúpiter e tamén algunha das estrelas que conforman o Triángulo de Verán: Vega, Altair e Dened.
O programa Camio de Estrelas –coordinado por Turismo de Galicia– estase a desenvolver en cinco comunidades autónomas polas que pasan os Camiños de Santiago situados máis ao norte da península (Aragón, Castilla y León, Cantabria e Asturias, ademais de en Galicia).
Tras o seu paso polo Pino, o vindeiro 10 de setembro José Ángel Docobo e os seus colaboradores desprazaranse ata Fisterra e o 11 de setembro estarán na praza do Obradoiro, en Santiago. O programa completo pódese ver neste enlace (preme aquí)
