As clases nas escolas deportivas municipais e as actividades físicas para adultos reanudaranse mañá, martes 1 de decembro, despois de ter que ser suspendidas a principios de novembro por causa das restricións impostas polas autoridades sanitarias para frear o avance da covid-19.
Entón, o Concello do Pino volvía á fase 1 e se pechaba perimetralmente con outros municipios da área de Santiago. Entre as medidas que tiña que cumprir, unha delas era a de facer deporte de xeito individual. Agora, logo de volver o pasado sábado á fase 2, se retoman as actividades grupais.
Nas clases continuaranse a cumprir os protocolos municipais elaborados para previr a propagación da covid-19. Entre outras medidas, as actividades grupais desenvólvense sempre en grupos reducidos. Son de 12 persoas por clase, no caso das escolas deportivas municipais; de 25 nas actividades para adultos que se celebran nos polideportivos municipais, e de 10 persoas por grupo nas que se realizan na casa da cultura.
