Melchor, Gaspar e Baltasar chegaron as sete da tarde ao polideportivo de Reboredo, en Arca, onde os agardaban centos de nenos e nenas dispostos a entregarlles a súas cartas e facerlles as últimas peticións antes da noite máis máxica do ano.
Dende primeira hora, a comitiva real percorreu todas as parroquias do municipio, falando coa cativada e coas persoas maiores que tamén se achegaron a saúdar a Melchor, Gaspar e Baltasar. O percorrido comezou no campo da festa de Pereira, e continuou despois por Santiso, Budiño, O Pino, Gonzar, Medín, Pastor e Lardeiros. Tola tarde, os Magos de Oriente visitaron San Breixo, San Mamede, San Miguel de Cerceda e Cebreiro.
A partir das sete e media, Melchor, Gaspar e Baltasar volveron recibir no polideportivo de Arca a moitos nenos e nenas, nunha festa na que participaron centos de persoas. Ao rematar, houbo chocolate, churros e rosca de reis para todos. Dende media tarde, a cativada puido gozar cos inchables e os xogos que se montaron no polideportivo.
Entrega de Premios do Concurso de Postais
Antes da chegada das Súas Maxestades, entregáronse os premios aos gañadores dos concurso de postais de Nadal e de Decoracións do Nadal. O alcalde, Manuel Taboada Vigo, e a concelleira Eva Varela, entregaron os galardóns.
Os gañadores no concurso de postais foron Uxía Souto Martínez, alumna de 6º de Educación Primaria do CPI Camiño de Santiago. O seu debuxo foi seleccionado como a postal institucional coa que o Concello felicitou este ano o Nadal a toda a veciñanza. No resto de categorías resultaron premiados a aula de 5º de Infantil do CPI Camiño de Santiago; Noa Caneda Barreiro, de 2º curso de Primaria; Lara Rodeiro Barreiro, de 4º de Primaria, e Carla Suárez Furelos, alumna de 2º da ESO.
Manuel Taboada e Eva Varela entregaron tamén os premios do I Concurso de Decoracións do Nadal, consistentes en 350, 250 e 150 euros para os tres primeiros tanto na categoría familiar como na colectiva. O xurado seleccionou como gañadores na categoría individual as decoracións de Javier Rey Botana como gañadora, e as de María Dalia Pérez Iglesias e Cristina Oubel Iribarnegaray como segunda e terceira, respectivamente. Na categoría colectiva os gañadores foron a ANPA da escola infantil A Galiña Azul (1º premio), a perruquería Sandra Vázquez (2º), de Santiso, Castrofeito) e a zapatería Zocos, de Arca (3º)
Festival Sons de Reis
A xornada festiva rematou co festival Sons de Reis, no que os DJ Toni Salvaje, Compota, DavidExpósito e o grupo Nueva Fuerza animaron o ambiente ata a madrugada.
