Equipo benxamín da SD O Pino que compite no Torneo Fútbol 7 Concello de O Pino
O equipo benxamín da SD O Pino empezou forte esta mañá no III Torneo de Fútbol 7 Concello de O Pino, ao conseguir claros triunfos nos dous primeiros encontros que celebrou, ante o Victoria e o Ural, respectivamente, que, xunto ao Xuventude de Oroso conformaban o grupo A deste torneo.
No grupo B competían os dous equipos do Conxo Santiago (A e B), o Bertamiráns e Orillamar. Durante a mañá, os oitos equipos xogarán unha liguilla todos contra todos. Os primeiros clasificados mídense nos cuartos de final a partir das catro da tarde. A final do torneo está prevista para as sete e cuarto da tarde.
Moitos familiares e amigos desprazáronse ata o campo municipal de Reboredo, en Arca, onde se celebra esta segunda xornada do Torneo Fútbol 7 Concello de O Pino (en categorías benxamín e alevín) que está promovido polo Concello de O Pino, a Federación Galega de Fútbol e Onosofutbol.com. Colaboran coa organización a SD O Pino, O Noso Deporte e Eurofruit.
Album de fotos no Facebook do Concello de O Pino, neste enlace
