Os autónomos de O Pino teñen ata o vindeiro 6 de agosto para solicitar as axudas aprobadas polo Concello no último pleno a proposta do goberno local, cos votos a favor de PP e BNG e en contra do PSdeG. O Boletín Oficial da Provincia publicou o pasado dia 8 as bases da convocatoria, que conceden ata 1.200 euros aos autónomos e pequenas empresas obrigadas a pechar durante o estado de alarma, ata 600 para pago de alugueiros e outros 600 para cotas da seguridade social.
O prazo para presentar as solicitudes é de 20 días hábiles a contar dende o segundo ao da publicación das bases do BOP, polo que remata o 5 de agosto. As persoas interasadas poden presentar as solicitudes a través da sede electrónica co Concello de O Pino (neste enlace).
Tendo en conta as circunstancias excepcionais do estado de alarma, e debido á natureza da actividade económica, as bases da convocatoria tamén permiten presentar a solicitude mediante envío por correo electrónico (consignando nome e apelidos, número de documento de identidade e número de teléfono), achegando xunto a solicitude, a documentación solicitada dixitalizada (escaneada), ao enderezo de correo electrónico info@opino.gal
As bases para recibir estas axudas pódense consultar no documento adxunto, ou neste enlace do BOP do 8 de xullo (preme aquí).
