A reunión informativa queda fixada ás 11 da mañá no local sociocultural Luis Seoane // As persoas propietarias recibirán na súa casa o boletín cos predios asignados //
O centro sociocultural Luis Seoane acollerá o vindeiro venres, 1 de agosto, ás once da mañá unha xuntanza para tratar sobre o acordo da parcelaria de Gonzar II, aprobado o pasado 15 de xullo pola directora xeral de Desenvolvemento Rural.
Tal e como lle comunicou ao Concello do Pino a xefa do Servizo de Infraestruturas Agrarias, María Belén Mosquera Val, con esta reunión iniciarase a exposición pública do acordo de concentración, no que están recollidos os novos predios.
As persoas propietarias recibirán nestes días unha carta co boletín individual onde se recollen os predios de substitución que lles foron asignados. A recepción desta notificación marca o inicio dun mes de prazo no caso de querer presentar un recurso de alzada vencellado ao valor, á clase de terra ou ao emprazamento dos predios.
Os planos poderán consultarse a partir do venres:
- No local social de Gonzar, localizado no lugar de Bugalleira
- Na web da Consellería de Medio rural, na sección de publicacións no enderezo
https://ovmediorural.xunta.gal/gl/consultas-publicas/concentracions-parcelarias-procesos
- No Servizo de Infraestruturas Agrarias da Coruña.
Así mesmo, a Consellería de Medio Rural pon á disposición das persoas interesadas os seguintes teléfonos de consulta:
- Esproagro S.L. 981 174 185
- Servizo de Infraestruturas Agrarias da Coruña. 981 184 639
A través destes teléfonos, poderá concertarse unha cita presencial en caso necesario.
