O alcalde Manuel Taboada, o concelleiro José Fuentes, e o secretario xeral de Apoio ao Emprego, Traballo Autónomo e Economía Social da Xunta, Pablo Fernández, deron a benvida ao grupo de máis de 200 persoas que inclúe 60 nenos e nenas oncolóxicos ||
O Concello do Pino recibiu esta mañá aos participantes do ‘Reto Camiño de Santiago’ de AVOI (Asociación de Voluntarios de Oncoloxía Infantil de Málaga). O grupo, integrado por máis de 200 persoas, inclúe 60 nenos e nenas oncolóxicos, as súas familias, e a un equipo de 15 profesionais sanitarios entre médicos, enfermeiras e fisioterapeutas, así como voluntarios. Esta é unha segunda vez que o grupo realiza o Camiño de Santiago, tras a súa primeira experiencia en 2019.
Os participantes chegaron ao Pino ao redor das 13.30 horas cantando e foron recibidos polo alcalde Manuel Taboada, polo concelleiro José Fuentes, e polo secretario xeral de Apoio ao Emprego, Traballo Autónomo e Economía Social, Pablo Fernández. O rexedor mostrouse moi orgulloso de poder axudarlles na súa estancia no Pino xa que o grupo instalouse no interior do pavillón e na zona exterior para realizar a comida e pasar a noite tras esta dura xornada.
Os membros de AVOI amosaron efusivamente o seu agradecemento ao Concello polo apoio loxístico e polo cariño que lles prestaron.
O grupo continuará o Camiño mañá e o sábado, ás 10:30 da mañá, chegarán a Santiago onde serán recibidos por Alfonso Rueda, presidente da Xunta de Galicia. Este encontro será o colofón dunha viaxe dura pero emotiva, que subliña a forza ea resiliencia dos nenos e nenas oncolóxicos e as súas familias.
