O primeira das etapas fixos o sábado 21 de outubro de 2023 cun percorrido entre Freiría e Merens ||
Esta edición rematará o 16 de novembro coa chegada á praza do Obradoiro ||
O custe da actividade é de 8 euros por persoa e etapa ||
O Concello do Pino organiza a sétima edición de Camiña e Descubre que este ano retorna á axenda municipal co obxectivo de percorrer o Camiño Miñoto Ribeiro.
Ao longo de varias etapas, as persoas que participen poderán gozar dunha das rutas máis antigas do Camiño de Santiago que enlaza o norte de Portugal coa capital galega ofrecendo un percorrido cun gran legado histórico, dunha gran riqueza natural, con moitos afloramentos termais e vencellada ao transporte do viño dende o século XII.
Despois das seis etapas celebradas entre outubro de 2023 e maio de 2024, o Concello retoma estas andainas o sábado, 21 de setembro de 2024, coa etapa entre Lamas e a Ponte de Sarandón (Vedra). O 19 de outubro percorrerase a etapa do Camiño MIñoto Ribeiro que vai dende a Ponte de Sarandón ata O Piñeiro (en Santa Lúcia, Santiago), e rematarase o Camiño o sábado 16 de novembro percorrendo o tramo dende O Piñeiro ata a praza do Obradoiro.
O custe da actividade é de 8 euros por persoa e etapa.
As persoas interesadas poden obter máis información na Casa da Cultura, a través do teléfono 981 511 065.
A ficha de inscrición e o documento de pago pódese descargar nos documentos adxuntos.
