- Este proxecto enmárcase no Pacto dos alcaldes para frear o cambio climático //
- Está cofinanciado pola UE a través dos fondos europeos de desenvolvento rexional (FEDER) //
O Concello do Pino súmase o Pacto dos alcaldes para frear o cambio climático e inicia a redacción do Plan de acción para o clima e a enerxía sostible (PACES) coa vista posta en cumprir co compromiso de reducir nun 40% as emisións de dióxido de carbono antes do ano 2030.
O PACES trátase dun proxecto subvencionado ao abeiro das axudas destinadas a entidades locais asinantes do Pacto dos alcaldes para o clima e a enerxía sostible, cofinanciadas polo Fondo Europeo de Desenvolvemento Rexional con cargo ao programa operativo FEDER Galicia 2014-2020 baixo a supervisión da Consellería de Medio Ambiente, Territorio e Vivenda da Xunta de Galicia.
O Plan de acción para o clima e a enerxía sostible ten como obxectivos colaborar en políticas ambientais, aumentar a resistencia do municipio ante o cambio climático, optimizar os gastos de consumo enerxético e promover a xestión integral do desenvolvemento económico, social e cultural da man dunha cooperación sostible.
De acordo cos requisitos técnicos, o documento estruturarase nun inventario de emisións de referencia (IER), nun diagnóstico enerxético, nunha valiación local de vulnerabilidades e riscos do cambio climático e no Plan de acción para o clima (PACES).
