Concello de O Pino

+34 981 511 002 correo@opino.gal
  • Galego
  • Castelán
  • Inglés
Sede electrónica
  • Concello de O Pino
  • Concello
    • Saúda do Alcalde
    • Casa do Concello – Contacto
    • Corporación Municipal
    • Revista Faísca
  • Coñece O Pino
    • Situación, Xeografía, Economía
    • Persoeiros Históricos
    • Parroquias
  • Servizos
  • Áreas de Actuación
  • Turismo
  • Xestións
    • Sede Electrónica Concello O Pino
    • Contratación
    • Actividades
    • Concursos
    • Axudas e subvencións
    • Urbanismo
  • Emprego
    • Ofertas de Emprego Público
    • Ofertas de Emprego Privado
  • Novas

O Pino engalánase para gozar coa Festa do Galo Piñeiro, mostra cabalar, Feira Celta e moita maxia

Novas

01/08/2018
1 Ago

A maxia dos artesáns, que conservan vivos antigos oficios, a do mago Antón, a dos xinetes que participan no espectáculo Duende Ecuestre ou esa visión da natureza que entrelaza soños e mitoloxía no espectáculo Quimera convivirán esta fin de semana no Pino coa Feira Celta, a mostra cabalar e a exaltación do Galo Piñeiro, que permitiu recuperar unha raza autóctona grazas ao traballo de moitos veciños. Para gozar cun amplo e variado programa as rúas de Pedrouzo estanse a engalanar para que milleiros de persoas poidan gozar dende o venres pola tarde ata o domingo.

O venres, as seis da tarde, abrirase o mercado da Feira Celta na praza de Forcarei. Musica, contacontos, paseo de ocas ou a exhibición de voo das aves rapaces (haberá cinco ata o domingo) son algúns dos atractivos desta primeira xornada, que se pechará cun espectáculo de lume ao anoitecer.

As ocas percorrerán o mercado celta o sábado as once da mañá, para iniciar unha xornada con todo tipo de actividades: pasarrúas musical, títeres, recreación de oficios, contacontos durante toda a xornada. Cando se poña o sol, na praza do Concello, unha visión máxica da natureza, na que os soños e a mitoloxía mestúranse e calquera ilusión poderá converterse en realizade durante a representación de Quimera. Este espectáculo de novo circo a cargo da compañía Pablo Méndez é unha das novidades do programa da Feira Celta este ano no Pino. A linguaxe musical e acrobática dos actores farán gozar ao público ata o final.

O domingo, día grande da festa, os protagonistas serán os galos e galiñas piñeiras e os cabalos. A feira de galos vivos congregará dende ás 10.00 aos mellores exemplares da comarca. Unha iniciativa que permitiu recuperar unha raza autóctona e que hoxe supón unha reforzo para a economía de moitas familias. O Concello repartirá 550 euros en premios nesta feira.

E mentres a feira celta continúa co seu programa, preto da praza de Forcarei serán moitos os afeccionados e criadores de cabalos os que participarán no diferentes concursos da mostra cabalar durante todo o día, para os que o Concello destina 3.900 euros en premios. As 12.00 celebrarase a proba do campionato galego de enganches de carruaxes, e ás 18.30 está previsto o espectáculo Duende Ecuestre, no que se poderán contemplar exhibicións de fantasía andaluza, baile flamenco, garrocha, carrusell, doma de alta escola en rendas longas ou doma vaquera, entre outros.

Degustación, xigantes, cabezudos e o mago Antón

E mentres uns percorren os postos de artesanía ou asisten aos espectáculos ecuestres, outros poderán gozar e sorprenderse cos xigantes e cabezudos da Asociación Cultural Espanada Gaiteiros e Cabezudos, que dende as 12.00 percorrerán as rúas de Pedrouzo e tamén a Feira Celta, ata que ás 13.00 dé comezo a degustación gratuíta de galo piñeiro nos postos habilitados.

O delegado territorial da Xunta na provincia da Coruña, Ovidio Rodeiro, será o encargado de ler este ano o pregón, sobre as dúas da tarde, antes da entrega de premios aos gañadores da feira de galos e galiñas de raza piñeira, e do xantar popular.

Na sobremesa, ás 17.00 horas, o mago Antón ofrecerá o primeiro dos cinco espectáculos previstos. Será no escenario do seu propio camión, aparcado preto da praza de Forcarei. As sesións repetiranse ás seis, sete, oito e nove da tarde, para un máximo del 70 persoas en cada pase. Os que desexen asistir deberán retirar a invitación na carpa do Concello dende as 14.00 horas.

Este intenso fin de semana rematará coa entrega dos premios aos gañadores da mostra cabalar, prevista para ás oito, e coa actuación de Xilo e Carlos, que poñerán a música de fin de festa.

A XIX Festa do Galo de Corral e Mostra Cabalar e a X Feira Celta está organizada polo Concello do Pino en colaboración coa empresa Balconet e conta co apoio da Xunta de Galicia, Deputación da Coruña e Abanca.

Icon

Programa Feira Celta 2018

1 file(s) 2.13 MB
Download
Icon

Programa Festa do Galo 2018

1 file(s) 1.84 MB
Download
Icon

Programa da Mostra Cabalar 2018 e premios

1 file(s) 1.41 MB
Download
Icon

Premios feira de galos vivos

1 file(s) 1.44 MB
Download
Icon

Programa completo Festado Galo Piñeiro, Mostra Cabalar e Feira Celta 2018

1 file(s) 2.62 MB
Download
Tweet
Share
Share
Pin
0 Shares
« Bo ambiente e moitas capturas no concurso deportivo infantil Pescapino 2018
As aves rapaces, os artesáns e o mercado, principais atractivos da Feira Celta do Pino »

Concello

  • Saúda do Alcalde
  • Casa do Concello – Contacto
  • Corporación Municipal

Coñece O Pino

  • Situación, Xeografía, Economía
  • Persoeiros Históricos
  • Parroquias

Xestións

  • Contratación
  • Formularios
  • Sede Electrónica Concello O Pino

Emprego

  • Ofertas de Emprego Público
  • Ofertas de Emprego Privado

Descarga a App de Turismo

Legal

  • Aviso legal
  • Política de privacidade
  • Política de cookies

Contacto

Concello de O Pino
Enderezo: Rúa do Concello s/n
15821 Pedrouzo.- Arca (O Pino)
Tfno: 981 51 10 02
Fax: 981 51 11 23
Email: correo@opino.gal

© Concello de O Pino. Rúa do Concello s/n - 15821 Pedrouzo - Arca (O Pino)

  • Concello de O Pino
  • Concello
    • Saúda do Alcalde
    • Casa do Concello – Contacto
    • Corporación Municipal
    • Revista Faísca
  • Coñece O Pino
    • Situación, Xeografía, Economía
    • Persoeiros Históricos
    • Parroquias
  • Servizos
  • Áreas de Actuación
  • Turismo
  • Xestións
    • Sede Electrónica Concello O Pino
    • Contratación
    • Actividades
    • Concursos
    • Axudas e subvencións
    • Urbanismo
  • Emprego
    • Ofertas de Emprego Público
    • Ofertas de Emprego Privado
  • Novas
  • Galego
  • Castelán
  • Inglés