-
Ambos concellos pedirán unha subvención de 50.000 euros para executar unha obra que ten un orzamento de 62.500 ||
-
Aprobada a ordenanza que establece as taxas por prestar servizos de dirección de obra e coordinación de seguridade e saúde ||
-
A liquidación do orzamento do ano pasado deixa un remanente positivo de tesourería de 1.042.000 euros e un período medio de pago de facturas inferior aos 4 días ||
O Pleno da Corporación do Pino aprobou esta mañá a proposta para executar conxuntamente co Concello de Boqueixón a mellora da estrada de Loureda ata o aeroporto de Lavacolla e poder así a unha subvención da Xunta de ata o 80% do importe da obra. Na sesión de hoxe tamén se aprobou a ordenanza reguladora da taxa pola prestación do servizos de dirección de obra, pola coordinación de seguridade e saúde, inspección e liquidación de obras.
O alcalde, Manuel Taboada, indicou que unha das convocatorias de subvencións aprobada pola Xunta para mellora de infraestruturas municipais prima a agrupación de concellos. Motivo polo que O Pino e Boqueixón decidiron solicitar conxuntamente unha axuda para mellorar a estrada de Loureda ata o aeroporto de Lavacolla.
O proxecto establece un orzamento de 62.500 euros para a mellora de 1.500 metros (dos que uns 400 son do Pino) deste viario cunha capa de aglomerado en quente e limpeza de gabias. Ao solicitar conxuntamente a subvención, a Xunta pode aportar ata o 80% do importe, uns 50.000 euros.
Segundo o convenio aprobado hoxe, o Concello do Pino encargarase de toda a tramitación e contratación das obras, aportando 6.586 euros, mentres que o de Boqueixón sufragará 5.913.
Na sesión de hoxe notificouse a liquidación do orzamento municipal corresponden ao exercicio de 2024, que deixa un remanente de tesourería para gastos xerais de 1.042.016,14 euros. O alcalde destacou que a 31 de decembro do ano pasado o Concello tiña pagadas todas as facturas a provedores e que o prazo medio de pago durante o ano pasado foie de 3,57 días, moi inferior aos 30 días que establece a normativa xeral. Taboada tamén destacou que o nivel de endebedamento do Concello sobre os recursos correntes foi dun 25%, moi lonxe do límite do 110% que establece a Lei de Facendas Locais.
Por outra banda, aprobouse a ordenanza reguladora das taxas por prestación de servizos de dirección de obra, coordinación de seguridade e saúde, inspección e liquidación de obras. A ordenanza establece unha contía do 4% do importe do proxecto no caso da dirección de obra, e do 1,5% nos casos de coordinación en materia de seguridade e saúde.
Screenshot
