11-4-2023
O Boletín Oficial da Provincia publica na súa edición de hoxe o anuncio do extracto da convocatoria para a concesión de subvencións municipais destinadas a asociación e entidades sen ánimo de lucro do Concello do O Pino para o presente exercicio 2023.
A solicitude presentarase na sede electrónica do Concello (preme aquí) no prazo de 10 días hábiles, contados a partir do día seguinte ao da publicación do extracto desta convocatoria no BOP; isto é dende mañá mércores 12 de abril e ata o martes 25 de abril.
A convocatoria vai dirixida ás entidades veciñais, culturais, deportivas e do patrimonio histórico, co obxecto de promover e apoiar estas entidades como ferramentas activadoras e catalizadoras da participación cidadá. O Concello do Pino destina a estas axudas un total de 45.220 €
Aquelas entidades que resulten beneficiadas con algunha destas axudas terán de prazo para presentar a xustificación do gasto ata o 1 de decembro deste ano.
Nos arquivos adxuntos podes consultar o extracto no BOP da convocatoria e as bases da mesma. Tamén se achegan os anexos cos impresos necesarios para solicitar as axudas e para xustificar a subvención unha vez concedida.
Anuncio extracto no BOP da convocatoria de subvencións para asociacións
4-4-2023
O Boletín Oficial da Provincia (BOP) publica na súa edición de hoxe, martes 4 de abril, o anuncio da aprobación das bases da convocatoria de subvencións municipais destinadas a asociacións e entidades sen ánimo de lucro do Concello do Pino para o presente exercicio 2023. A convocatoria diríxese ás entidades veciñais, culturais, deportivas e do patrimonio histórico do Pino, co obxecto de promover e apoiar estas entidades como ferramentas activadoras e catalizadoras da participación cidadá. O Concello do Pino destina a estas axudas un total de 45.220 € de fondos propios.
As solicitudes presentaranse no prazo de 10 día hábiles contados a partir do día seguinte ao da publicación do extracto desta convocatoria no BOP.
O procedemento de concesión das axudas tramitarase en réxime de concorrencia competitiva. Antes da resolución definitiva, publicarase a listaxe provisional das axudas concedidas e outorgarase un prazo de cinco días naturais para que as asociacións e entidades sen ánimo de lucro poidan presentar as alegacións que estimen oportunas.
O prazo de xustificación da subvención será 1 de decembro deste ano para todas aquelas entidades que resulten finalmente beneficiadas con algunha destas axudas.
O anuncio da convocatoria, así como as bases da mesma e os anexos pódense consultar no arquivo adxuntos.
