- Desenvolverase no pavillón municipal entre o 22 de decembro e o 7 de xaneiro //
- Ábrese o prazo de solicitudes ata o 16 de decembro //
O Concello do Pino organiza de cara ás vacacións de Nadal un programa de conciliación para escolares de entre 3 e 12 anos, que se desenvolverá entre o 22 de decembro e o 7 de xaneiro no pavillón municipal e os exteriores do colexio Camiño de Santiago en horario de 8.30 a 14.30 horas. En concreto, o servizo prestarase de luns a venres os días 22, 23, 24, 27, 28, 29, 30 e 31 de decembro de 2021 e 3, 4, 5, e 7 de xaneiro de 2022. O prezo polos 12 días de actividade é de 20 euros, ao que se lle aplicarán descontos por familia numerosa.
O programa Lecer Nadal 2021 conta cun total de 50 prazas. No caso de que haxa un número superior de solicitudes, valorarase a admisión atendendo aos seguintes: empadronamento no Pino, recomendación dos Servizos Sociais, familias monoparentais, escolarización no Concello, pais ou titores que traballen no termo municipal e menores que desfruten das vacacións no Pino.
As familias interesadas en participar no programa, deberán cubrir a ficha de inscrición dispoñible nas oficinas municipais (9.00 a 14.00 horas) ou neste enlace. Esta acompañarase da instancia (podes descarga aquí) á hora de presentala, ben de forma telemática na sede electrónica do Concello ou presencialmente no Rexistro municipal (9.00 a 14.00 horas). Non se aceptan as que se mandan por correo electrónico porque é preciso rexistralas. O prazo de presentación de solicitudes remata o xoves 16 de decembro.
O pagamento efectuarase unha vez que sexa publicada a lista de nenas e nenos admitidos.
As bases poden consultarse en arquivo adxunto e nesta ligazón. Tamén están dispoñibles o formulario de solicitude e a instancia de presentación para a súa descarga.
