Nenas e nenos amosaron os seus avances nas diferentes disciplinas diante de numeroso público no pavillón de Reboredo //
Ximnasia rítmica é a modalidade que contou cun maior número de asistentes //
A ANPA sumouse á festa de clausura coas exhibicións de baloncesto e karate //
Numeroso público asistiu o pasado venres á clausura das escolas deportivas municipais do Concello de O Pino e das actividades deportivas da ANPA do CPI Camiño de Santiago, que congregaron no pavillón de Reboredo a numerosas persoas. As escolas deportivas municipais contaron este ano con 200 menores inscritos nas diferentes disciplinas, sendo a de patinaxe artística a que conta cun maior número de participantes.
As alumnas de máis idade que practican patinaxe foron as encargadas de abrir a xornada de exhibicións, que tamén se pechou co nivel IV de Patinaxe. En total, os e as patinadoras fixeron seis demostracións das súas habilidades nos diferentes niveis das escolas deportivas.
Ademais de baloncesto e karate, actividades organizadas pola ANPA, o público asistente aplaudiu as demostracións de fútbol sala, ximnasia rítmica, baile moderno e badminton que fixeron os alumnos e alumnas matriculados neste curso.
Ao rematar as exhibicións, todos os nenos e nenas matriculadas nas escolas deportivas que estaban presentes no polideportivo levaron como recordo unha medalla, que lles foron entregadas polo alcalde, Manuel Taboada, os concelleiros Eva Varela e José Fuentes e pola secretaria da ANPA, Susana Rial.
Pica aquí para ver o álbum de fotos publicado na páxina de Facebook do concello.
