Co comezo do curso, bota a andar a programación cultural outono-inverno do Concello do Pino. Este ano o bordado, os bolillos, a costura, as clases de guitarra e ukelele e a creatividade para os máis cativos e cativas seguen sendo a aposta forte, sen esquecer a continuidade do ‘Camiña e Descubre’e do Nadal Benéfico. A novidade ven da man do Club dos venres adicado a maiores de 50 anos que buscan pasar as súas tardes de forma divertida e diferente.
Para inscribirse ou recibir máis información pódense cumprimentar os arquivos adjunto; chamar á Casa da Cultura ao 981 5
11 065, ou escribir ao correo electrónico cultura@opino.gal. Para poder conformar os grupos e comezar as actividades no mes de outubro, dende o Concello recordan que os interesados deberán anotarse antes de que remate o mes de setembro.
Este novo curso as actividades son prácticamente as mesas que o anterior. De xeito que as clases de bolillos e bordado ao aire impartiranse pola mestra Ana Rosa, unha artesán con gran formación, experiencia e varios premios dentro do mundo do encaixe e o bordado, na Casa da Cultura de Arca, os mércores ás 18.00 horas por 30€ ao mes.
As clases de guitarra tampouco son unha novidade en O Pino, mais este curso incorpórase a esta actividade a opción de aprender a tocar o ukelele. A Casa da Cultuira de Arca será tamén onde se impartirá este taller cada mércores por 15 euros ao mes e que formará grupos de 4 persoas, escollendo o horario por orde de inscrición. O obxectivo de estas clases é coñecer ben a guitarra e as súas peculiaridades tanto rítmicas como melódicas. Así como as tonalidades e diferentes técnicas, estilos e sons.
Continúa tamén o obradoiro de costura, que se impartirá, os martes ás 10.30, os mércores ás 11.00 e os xoves ás 18.30 horas, cun custo de 20 euros mensuais por dúas horas semanais de clase, na mesma localización que as anteriores. Do mesmo modo que tamén se celebrará o VI Nadal Benéfico. Como en anos anteriores, habilitarase na Casa da Cultura un caixón desde o día 1 de decembro ata o día 31 de xaneiro de 2020 onde poder depositar voluntariamente alimentos e produtos non perecedoiros, produtos de hixiene ou limpeza. Servizos Sociais do Concello de O Pino fai entrega, en diferentes datas ás familias demandantes, dos alimentos achegados dende Cruz Vermella. En contadas ocasións danse urxencias sociais que precisan axuda, e é aí onde se bota man dos alimentos ou produtos dos que dispoñemos na Casa 
da Cultura para cubrir esas demandas. Por iso agradecemos de antemán a vosa colaboración. Ademáis a música, o teatro, os obradoiros e xogos, a chocolatada, o cine, etc… serán os protagonistas do mes de Nadal.
Entre as actividades previstas para as fines de semana destaca o programa ‘Camiña e Descubre’, que levará a quen participe nel a percorrer o Camiño Portugés a Santiago dende Nigrán, en etapas a celebrar o terceiro sábado de cada mes. As datas de celebración póden sufrir modificacións por culpa de outras actividades ou festivos. O custo por viaxe será de 8 euros.
Por último, tanto os máis maiores coma os máis cativos, poderán gozar coas actividades de Creatividade e o Club dos venres. A primeira está dirixida aos nenos e nenas de entre 3 e 5 anos, que desenvolverán a súa creatividade á vez que se divirten no CPI Camiño de Santiago de 15.30 a 16.30 horas. Mentres que a segunda está pensada para os maiores de 50 anos que buscan compartir as tardes dos venrs con m,artodas de cartas, charlas e saídas.
