- O horario será de 12:00 a 20:00 horas todos os días da semana /
- A entrada individual terá un custo de 3,60 euros diarios /
- Hai abonos para toda a tempada de 6 e 12 euros para residentes e de 12,02 e 24,04 para non residentes /
- Os cursos de natación impartiranse de luns a xoves só para abonados /
A tempada de verán no concello de O Pino inaugúrase o venres 1 de xullo coa apertura da piscina municipal de Lameiro, instalación que permanecerá aberta ata setembro todos os días da semana de 12:00 a 20:00 horas.
O prezo da entrada individual mantense respecto ao ano anterior e é de 3,60 euros por persoa e día, existindo a posibilidade de optar a abonos de tempada con prezos reducidos. Así, os nenos e nenas de 16 anos ou menos poderán acceder ás instalacións pagando un abono de 6 euros se están empadroados no municipio ou de 12,02 euros se residen noutro. Os adultos, pola súa parte, deberán pagar polo pase 12 ou 24,04 euros respectivamente.
Existe tamén a posibilidade de optar a un plan familiar cun custo de 21,03 euros para pais e nais cun só fillo ou filla e de 24,03 euros en casos de dous ou máis. Do mesmo xeito, aquelas persoas en disposición dun carné xove acreditado desfrutarán dun 25% de desconto.
Calquera dos bonos mencionados poderá ser retirado na Casa do Concello a partir do luns 20 de xuño entre as 10:00 e 14:00 horas.
Cursos de natación
Por outra banda, na piscina de Lameiro tamén se ofertarán cursos de natación de luns a xoves de 12.30 a 13.15 horas. As persoas interesadas en participar nestes cursos deberán estar aboadas á piscina e poderán optar a un máximo de dúas clases á semana.
O prezo das clases de natación para as persoas menores de 16 anos é de 3 euros ao mes, mentres que as de máis idade pagarán 9,01 euros. Os cursos comezarán coa apertura da piscina e desenvolveranse só durante os meses de xullo e agosto
