O Grupo de Desenvolvemento Rural (GDR) Ulla Tambre Mandeo organiza dous cursos de produción de té de camelia e de produción de nogueira para os días 13, 14, 20 e 21 de setembro e 27 e 28 respectivamente. Estas actividades de fomento do autoemprego realizaranse no Edificio do antigo centro médico de O Pedrouzo (O Pino), serán gratuítos e contarán con formación teórica e práctica. O prazo de inscrición remata mañá martes, día 3 de setembro.
O Edificio do antigo centro médico de Arca (O Pino) acolle dous obradoiros teórico-prácticos de fomento do autoemprego do GDR Ulla Tambre Mandeo. Por unha banda, levarase a cabo un curso de produción de té de camelia durante os días 13, 14, 20 e 21 de setembro, en horario de 16.00 a 20.00 horas os venres e de 20.00 a 14.00 horas os sábados. Por outra banda, o taller de produción de nogueira celebrarase o 27 e 28 de setembro de 16.00 a 20 horas na primeira xornada, e de 10.00 a 14.00 horas na segunda. O alumnado estará composto por un máximo de 20 persoas.
A inscrición pode facerse de forma gratuíta e presencial no Edificio antigo do centro médico de O Pedrouzo-Arca en O Pino (Avda. De Lugo,41), chamando ao 981 511 377 ou enviando un correo electrónico a leader@gdrullatambremandeo.gal. O prazo de inscrición remata o martes 3 de setembro.
