-
A Comisión Executiva da DTI aprobou a incorporación de 40 novos destinos //
-
Entre as recentes incorporacións atópase tamén a Mancomunidade de Municipios Galegos do Camiño Francés //
O Concello do Pino pasa a formar parte da Rede de Destinos Turísticos Intelixentes (DTI) logo de que a Comisión Executiva deste organismo aprobara a incorporación de 42 novos destinos, elevando a 347 o número total de membros. Entre as últimas incorporacións se atopa tamén a Mancomunidade de Municipios Galegos do Camiño Francés.
O proxecto DTI ten como obxectivo implantar un novo modelo de mellora da competitividade e o desenvolvemento turísticos coa vista posta na sostenibilidade e en incrementar tanto a satisfacción do visitante como a calidade de vida do residente. Impúlsao a Secretaría de Estado de Turismo, a través de Segittur (Sociedade Mercantil Estatal para a Xestión das Innovación e as Tecnoloxías Turísticas).
Ademais do Pino, entran agora na Rede de Destinos Turísticos Intelixentes os municipios de Arzúa e Melide, xunto a Palas de Rei, Vigo, Monterroso, Paradela, Pedrafia, Portomarín, Samos, Sarria, a Mancomunidade do Salnés, a Mancomunidade Ría de Arousa Norte ou a Mancomunidade de Municipos da Ruta da Prata. Galicia, con 22 membros e empatada con Castela-León, é a terceira comunidade con máis membros por detrás de Andalucía e Canarias.
