23 de febreiro de 2026
O Boletín Oficial da Provincia (BOP) publica na súa edición do luns 23 de febreiro o extracto da convocatoria de subvencións para asociacións culturais e deportivas do Concello do Pino para o exercicio 2026.
As solicitudes presentaranse na sede electrónica do Concello do Pino no prazo dun mes contado a partir do día seguinte ao da publicación deste extracto no BOP. Tamén poderán presentarse de xeito presencial no Rexistro do Concello do Pino.
Máis información e formularios, no apartado de Xestións da web municipal, nesta ligazón.
18 de febreiro de 2026
O Boletín Oficial da Provincia (BOP) publica na súa edición do mércores 18 de febreiro o anuncio da aprobación das bases da convocatoria de subvencións municipais destinadas a asociacións culturais e deportivas do Concello do Pino para o presente exercicio 2026.
A convocatoria diríxese ás entidades culturais e deportivas do Pino, co obxecto de promover e apoiar estas entidades como ferramentas activadoras e catalizadoras da participación cidadá.
A contía das subvencións non poderá superar os 2.500 euros, no caso das asociacións culturais; e chegará ata os 3.000 euros no das asociacións deportivas.
As solicitudes presentaranse na sede electrónica do Concello do Pino no prazo dun mes contado a partir do día seguinte ao da publicación do extracto desta convocatoria no BOP. Tamén poderán presentarse de xeito presencial no Rexistro do Concello do Pino.
As bases da convocatoria publicáronse no BOP da Coruña número 32, de 18 de febreiro de 2026. Poden consultarse nesta ligazón, na que tamén se pode descargar o formulario de solicitude e o modelo de xustificación de subvencións.
