O Concello do Pino convida a toda veciñanza a participar este sábado 28 de novembro na II Andaina Popular ‘5 KM pola igualdade’, con saída e meta na área recreativa da Magdalena, en Castrofeito.
Esta andaina pon o colofón dos actos que con motivo do 25N, Día Internacional contra a Violencia de Xénero, veu desenvolvendo o Concello do Pino ao longo da semana con tres obxectivos primordiais: identificar as condutas de violencia machista, incitar á cidadanía a denunciar este tipo de comportamento e animar as vítimas a denunciar os agresores e iniciar unha nova vida. Unha mensaxe que o Concello trasladou no video institucional (ver aquí)
A actividade dará comezó ás 16:00 horas e poderán participar todas aquelas persoas que o desexen maiores de 5 anos. Os menores de 16 anos deberán estar acompañados dun adulto. Poderán facer a inscrición ata ás 14:00 horas do venres 27 de novembro formalizando a mesma na web de Emesports (preme aquí) ou enviando un correo cos seus datos (nome, apelidos, data de nacemento, DNI, sexo, localidade de procedencia e especificar se se trata de persoas conviventes ou non) ao enderezo deportes@opino.gal. Tamén se pode formalizar a inscrición chamando ao departamento de Servizos Sociais do Concello (981 511 002, extensión 5) en horario de 09.00 a 14.00 horas.
Para pode iniciar a andaina, todos os participantes deberán presentar debidamente cuberto o seguinte formulario responsable:
Formulario responsable
Os dorsais estarán dispoñibles na zona de saía desde as 15:15 horas ata vinte minutos antes de que comece a andar o último participante e as saídas efectuaranse de dúas en dúas persoas cada vinte segundos e os participantes deberán manter en todo o momento a distancia de seguridade de dous metros, agás no caso de conviventes, que poderán formar grupos de ata seis persoas. O uso de mascarilla será obrigatorio.
Todas as persoas que participen na andaina recibirán un agasallo.
As bases e o percorrido da proba poden consultarse neste enlace ou no documento adxunto:
Regulamento Andaina Solidaria
