-
O Club Atletismo O Pino percibirá 2.550 euros //
-
Nove igrexas levarán 2.500 euros e a Sociedade de Cazadores percibirá 900 //
-
Responden á convocatoria de achegas a entidades veciñais, culturais, deportivas e de patrimonio histórico //
Por acordo da última xunta de goberno local, desenvolvida o pasado martes 11 de xuño, o Concello do Pino acaba de aprobar a concesión de preto de 26.000 euros en axudas municipais a outras once entidades no marco da convocatoria destinada a asociacións veciñais, culturais, deportivas e de patrimonio histórico.
A maior contía desta tanda, cifrada en 2.550 euros, é para o Club de Atletismo O Pino. Practicamente a mesma cantidade, neste caso 2.500 euros para cada unha, recibirán as igrexas de San Xulián de Lardeiros, de Santa María de Gonzar, de San Lourenzo do Pastor, de San Breixo de Ferreiros, de San Xulián de Cebreiro, de San Mamede de Ferreiros, de San Miguel de Cerceda, de Santa María de Budiño e de Santo Estevo de Medín. Por último, concédeselle unha achega de 900 euros á Sociedade de Cazadores A Magdalena.
O acordo da xunta de goberno local pódese consultar no arquivo adxunto.
