O Concello de O Pino comezou este 8 de maio as actividades do mes adicado ás familias. A Casa da Cultura Luís Seoane acollerá nas vindeiras semanas cinco charlas adicadas á impartición de información e curiosidades para familias, nas que se tratarán temas como o ciclo menstrual, os coidados do solo pélvico no postparto, a lactancia materna e a seguridade vial.
A primeira cita celebrouse este 8 de maio ante as rapazas de 6º de Primaria e 1º da ESO do CPI Camiño de Santiago, no que Rosario Rivas Mato, matrona do Centro de Saúde de O Pino, explicou os aspectos máis importantes do ciclo menstrual.
O vindeiro 15 de maio ás 10.30 horas terá lugar a charla-coloquio sobre parasitoses intestinais e febre nos nenos/as, que impartirán Amelia Villanueva Jeremías (pediatra do Centro de Saúde de O Pino) e Esther Morigosa García (enfermeira de pediatría do mesmo centro). Ás 12.00 horas comezará a conferencia adicada aos coidados do solo pélvico no postparto, que tamén impartirá Rosario Rivas.
Ás 10.00 horas o mércores 22 de maio a Asociación Alecria e as mulleres de Gaia Ecocrianza compartirán os seus coñecementos sobre porteo seguro e lactancia materna cos pais e nais asistentes.
Finalmente, o 29 de maio, José Eira Fernández, (sarxento 1º da garda civil de tráfico) falará a partir das 10.30 sobre seguridade vial para embarazadas, sistemas de retención infantil e procesos coma o rexistro do recén nacido, ou a tarxeta de benvida.
Cabe destacar que todas as charlas se impartirán na Casa da cultura Luís Seoane. Para inscribirse, consultar dúbidas ou solicitar máis información sobre o programa “Mimos de Mamá”, envía un correo electrónico a cultura@opino.gal, ou chama ao 981 511 065.
