- Desenvolverase no polideportivo de Arca nas mañás dos días 11, 12, 13 e 18 de abril //
- Terá un custo de 10 euros por escolar, cun desconto do 20% para familias numerosas a partir do segundo menor //
- O prazo para facer as solicitudes remata o xoves 7 de abril //
Lecer Semana Santa é o nome do programa de conciliación que o Concello do Pino porá en marcha durante as vacacións escolares. Os días 11, 12, 13 e 18 de abril, nenas e nenos de entre 3 e 12 anos poderán gozar dun amplo abano de actividades, que se desenvolverán polas mañás no pavillón municipal e nos exteriores do colexio Camiño de Santiago, en Arca. O horario que abarca o programa é de 8:30 horas a 14.30 horas, puidendo efectuarse a recollida das rapazas e rapaces a partir das 13.30 horas.
Para facer a preinscrición, as familias interesadas deberán cubrir o formulario correspondente e presentalo no Concello entre as 9.00 e as 14.00 horas. A solicitude pode descargarse nesta mesma páxina web ou recollerse nas dependencias municipais. O prazo para presentala remata o xoves 7 de abril. O campamento levarase a cabo sempre que se acade un número mínimo de participantes, sendo 50 o número máximo de prazas.
O custo de Lecer Semana Santa é de 10 euros polos catro días de actividades e as familias numerosas gozarán dun desconto do 20% a partir do segundo fillo. O pagamento efectuarase unha vez que as familias comproben que foron admitidas ao publicarse as listaxes.
As bases, o formulario de inscrición e a instancia que debe acompañar a solicitude poden consultarse nos arquivos adxuntos.
