O Concello de O Pino segue a fomentar un envellecemento activo e volve convocar unha nova edición do programa Ximnasia por Parroquias para Maiores, para que a veciñanza das parroquias tamén poida facer algo de exercicio.
Os interesados deberán anotarse no departamento de Servizos Sociais do Concello, podendo informarse por teléfono no número 981 511 002 ou no correo electrónico cruz.toande@opino.gal
As persoas empadroadas no municipio deberán pagar unha cota de 45 euros anuais, que deberán ser aboados no momento da inscrición. Os non empadroados deberán pagar 90 euros.
Esta actividade desenvolvese nos locais sociais parroquiais do Concello de o Pino entre o 1 de outubro e o 30 de xuño cos seguintes horarios e días:
Luns e mércores: Pastor, de 16.00 a 17.00 horas e Castrofeito (Pereira), de 17.10 a 18.10
Martes e venres: Lardeiros (Medín), de 16.00 a 17.00; Gonzar (O Pino), de 17.10 a 18.10; Ferreiro (local social de Boavista), de 18.25 a 19.25, e en Budiño, de 19.45 a 20.45 horas.
Para que se leve a cabo a actividade na parroquia terá que haber un grupo mínimo de 8 persoas. En canto aos grupos e horarios, os mesmos poderán modificarse segundo o interese das persoas inscritas.
