Os departamentos de Servizos Sociais e Deportes do Concello do Pino organizan un ano máis o programa Lecer Nadal, que inclúe diversas actividades lúdicas e formativas para nenas e nenos de 3 a 12 anos durante as vacacións de Nadal, facilitando, deste xeito, a conciliación familiar e laboral.
As actividades celebraranse os días 24, 26, 27, 28 e 31 de decembro, e o 2, 3, 4 e 7 de xaneiro nas instalacións do CPI Camiño de Santiago, en Arca, sempre e cando se inscriban un mínimo de 10 nenos e nenas.Os interesados en participar nesta iniciativa deberán inscribirse antes do mércores 19 de decembro.
O Lecer Nadal desenvolverase entre as 09.00 e as 14.00 horas. O prezo é de 20 euros por cada neno ou nena empadroado no municipio do Pino. Para os que non sexan veciños do concello, o prezo do servizo é de 40 euros. As familias numerosas terán un desconto adicional do 20% a partir do segundo fillo.
O prazo de inscrición remata o 19 de decembro. Para anotarse hai que cubrir o formulario que se pode atopar ao final desta nova ou na sección de formularios da web, pagar as taxas no banco e entregar toda a documentación requerida nas dependencias do Concello de O Pino entre as 09.00 e as 14.00 horas.
