- A vindeira semana comezará o curso de nivel básico para formar en tecnoloxía á mulleres inscritas como demandantes ou en mellora de emprego
O alcalde de O Pino, Manuel Taboada, e a concelleira de Cultura, Eva Varela, déronlle hoxe a benvida a un grupo de 17 mulleres que queren participar no curso básico do programa Muller Dixital. Esta formación, de carácter gratuíto, está dirixida a mulleres en situación de desemprego ou demandantes de mellora de emprego e o obxectivo principal do curso é eliminar o medo á tecnoloxía e aprender a facer uso da mesma.
O curso ten unha duración de 40 horas e desenvolverase de luns a venres, a partir da vindeira semana. Complementarase cun módulo de igualdade, de 5 horas, que se impartirá antes do 15 de decembro.
José Antonio Vázquez explicoulles ás asistentes en que vai consistir o curso e as materias que se van impartir. As asistentes a este curso recibirán como regalo unha tableta, que utilizarán durante o curso.
Ao longo desta formación tamén recibirán nocións sobre a historia da evolución informática e coñecerán a terminoloxía básica para poder desenvolverse no entorno dixital. As participantes traballarán co ordenador, a tableta e o teléfono móbil, empregando as ferramentas dispoñibles tanto en Google como en Microsoft para traballar na nube ou para, por exemplo, renovar a demanda de emprego cos caracteres DARDE, pedir ou xestionar unha cita médica, o uso da chave 365 ou consultar e como descargar unha vida laboral, entre outros contidos.
O curso de competencias dixitais básicas para mulleres está organizado pola entidade de formación Muller Dixital, en colaboración do Concello do Pino.
