Patricie Viadel e Víctor Ramos foron os gañadores absolutos da proba competitiva ||
Durante a lectura do manifesto institucional, a concelleira Mercedes Vázquez volve manifestar a repulsa ante todo tipo de violencia machista ||
Máis de trescentas persoas achegáronse esta tarde ata a área recreativa da Madalena para participar na segunda carreira e na terceira andaina 5 km pola igualdade, coas que o Concello de O Pino conmemora o Día Internacional da Eliminación da Violencia contra as Mulleres. Na lectura do manifesto institucional, a concelleira Mercedes Vázquez volveu manifestar “a repulsa ante todo tipo de violencia machista”.
Carreira e andaina desenvolvéronse sen incidencias, aínda que as persoas participantes tiveron que soportar unha forte choiva durante o percorrido. Na proba competitiva, Patricie Viadel, Paula Carballo e Marta Fernández foron as gañadoras na categoría feminina, cun tempos inferiores aos 25 minutos. Na categoría masculina os vencedores foron Víctor Ramos, Yago Iglesias e Ismael. García. As clasificacións da carreira pódense comprobar na web Carreiras Galegas (neste enlace).
Tras cruzar a liña de meta, e mentres repoñían forzas con froita e auga, as persoas participantes recibían como agasallo un gorro. A entrega de premios estivo presidida polo alcalde, Manuel Taboada, e a concelleira Mercedes Vázquez, despois de rematar a andaina. Tamén participaron os concelleiros José Fuentes e José Manuel Carreira, e a educadora familiar do Concello, Cruz Toande.
Máis fotos na páxina de Facebook do Concello do Pino (neste enlace)
