Manuel Ángel Penas Blanco e Paula Mayobre González foron esta tarde dous dos protagonistas da XVI Carreira Pedestre Popular Concello de O Pino, que bateu o seu récord de asistencia con 610 corredores de todas as idades. Os dous primeiros foron os gañadores da categoría absoluta; Emma Tarrio a atleta máis nova, con só 11 meses; e Xosé Manuel Carballeira o máis veterano, con 74 anos.
As probas das categorías de adultos foron as que inauguraron a xornada co seu percorrido de 8.000 m aproximadamente. Os competidores sub 16 e sub 18 tomaron o relevo 50 minutos despois, cando emprenderon a súa volta de 2.800 metros polos arredores da Praza de Forcarei. Seguidos das competicións sub 14, sub 12, sub 10 e sub 8. A xornada pechárona os máis cativos (sub 6), coa súa “voltiña” de 340 metros.
A categoría absoluta foi a máis numerosa, ao contar con 256 participantes, e moi concorrida estivo tamén a categoría de Pitufos, na que 48 nenas e nenos menores de 6 anos percorreron unha distancia de 300 metros, espertando admiración, sorrisos e moitos aplausos entre o público asistente.
Na categoría absoluta, os tres primeiros postos masculinos foron para Manuel Ángel Penas Blanco, Jorge Puig e Amador Pena Torreira. En mulleres impúxose Paula Mayobre González, seguida de Sandra Mosquera Losada e Tina Fernández Barreiros. Alberto Carou Carril e Rocío Alvite Ferreiro gañaron as devanditas probas Master 1.
O sol acompañou ao gran ambiente que se viviu durante toda a tarde nas inmediacións da Praza de Forcarei, lugar de saída e meta das probas e que percorrían parte do Camiño de Santiago.
Na entrega de premios, celebrada nunha abarrotada Praza de Forcarei, houbo trofeos para os tres primeiros de cada categoría, así como para os atletas locais e os clubs federados. Anova, patrocinador oficial, agasallou aos gañadores absolutos cunha motoserra.
A continuación podes atopar a lista completa de clasificacións e premiados.
Lista de premiados da XVI Carreira Pedestre de O Pino
Bases para a contratación dun/dunha Técnico/a de turismo
Resultados proba Absoluta XVI Carreira Pedestre Popular de O Pino
Resultados proba sub 12 XVI Carreira Pedestre Popular de O Pino
Resultados proba Sub 14 XVI Carreira Pedestre Popular de O Pino
Resultados proba sub 10 XVI Carreira Pedestre Popular de O Pino
Resultados proba sub 6 XVI Carreira Pedestre Popular de O Pino
