- ‘Sesión O Pino volume 23’, escenificando a separación de Shakira e Piqué, e ‘El mundo animal’ gañan en carroza e grupo ||
- ‘Xeneral do Ulla’ e ‘Chica romana’ foron os mellores disfraces individuais infantís, e ‘O espírito do bosque’ entre os adultos ||
- ‘Maceta e regadeira’ imponse na categoría de parella ||
- A Orquestra Compostela animou unha tarde moi concorrida na praza do Concello ||
Manolo e Maruxa, premio ao disfraz máis orixinal
A ex parella de moda non faltou no concurso de Entroido do Pino, e a separación de Shakira e Piqué permitiulle a Sesión O Pino volume 23 gañar o primeiro premio na categoría de Carroza despois de chegar á praza do concello sobre un mini-twingo e amosar a súa particular escenificación do tema da colombiana e Bizarrap. O premio ao disfrace máis orixinal foi para Manolo e Maruxa, unha parella de amigos que semellaba moitos máis anos dos que tiñan estes dous nenos.
El mundo animal, gañadores en categoría Grupo
Na categoría individual, que foi na que houbo máis participantes, acabaron gañando Xeneral do Ulla e Chica romana, mentres que primeiro da categoría individual foi para O espírito do Bosque. Cunha Maceta e regadeira feita con material de refugallo (cartón, alambre e botellas) dous irmás gañaron na categoría de parella. El mundo animal levouse o premio na categoría de grupo.
Sesión O Pino Volume 3, gañadores na categoría Carroza
O Concello de O Pino repartiu en premios preto de 1.500 euros, xa que na categoría de comparsa non houbo participantes este ano.
A Orquestra Compostela animou unha tarde moi concorrida na praza do Concello, na que o alumnado de 4º da ESO do CPI Camiño de Santiago ofrecían produtos típicos do Entroido, ademais de chocolate para recadar fondos para a excursión de fin de curso. Con este motivo sortearon unha cesta que gañou Sonia Tarrío.
Maceta e regadeira, gañadores en categoría Parella
