Máis de 75 persoas acudiron o sábado a masterclass solidaria de zumba organizada polo Concello de O Pino para colaborar coa Asociación Compostelá de Esclerose Múltiple, Parkinson, ELA e Outras (ACEM). Os participantes aboaron unha entrada solidaria de 5 euros e puideron adquirir merchandising que representantes de ACEM tiña no polideportivo de Lameiro.
Durante dúas horas manores e maiores estiveron bailando e facendo exercicio durante unhas dúas horas ao ritmo que marcaban os monitores Ana, Begoña, Eneida, Bruno, Eva, Luis, Luisa e Priscilla.
Con esta iniciativa o Concello do Pino, ademais de fomentar a vida saudable entre a veciñanza, quería contribuír a recadación de fondos para axudar a ACEM, unha organización sen ánimo de lucro que naceu en 1995 para contribuír a mellorar a calidade de vida das persoas afectadas de esclerose múltiple, así como a dos seus familiares e coidadores. Dende 2007, a ACEM está recoñecida como entidade de utilidade pública.
