Os nenos e nenas de O Pino de entre 3 e 16 anos interesados en mellorar o seu nivel de inglés xa se poden anotar, ata o día 23, ás clases de Inglés Lúdico que promove o Concello de no local municipal da praza de Forcarei.
As clases, que serán por grupos de entre 5 e 10 persoas, comezarán no mes de outubro e os grupos e días van depender do número de persoas que se anoten, aínda que está previsto se celebren os martes e venres.
A preinscrición poderase facer ata o luns 23 de setembro na Concellaría de Muller e Benestar Social, no departamento de Servizos Sociais, en horario de 09.00 a 14.00 horas (máis información no teléfono 981 511 002).
O día 24 publicarase o listado de admitidos, asignación de grupo e horarios. A confirmación de praza deberá facerse antes do 30 de setembro, no momento que se abone a cota correspondente ao primeiro trimestre ou anual, segundo se elixa.
