FAÍSCA [nº08/2016]

Cumprindo co noso compromiso de ser transparentes e responsables na xestión municipal, cada ano por estas datas, achegámosvos a todos os veciños e veciñas un novo número da Revista Faísca, que recolle un resumo das obras, proxectos, investimentos e actividades máis importantes que dende o concello realizamos ao longo do ano 2016.

Empregamos todo o noso esforzo e empeño en facer de O Pino un concello moderno e accesible a todos, poñendo en marcha iniciativas e proxectos encamiñados a resolver todas as cuestións máis relevantes que nos preocupan e afectan a todos como o emprego, a educación, o benestar social, entre outras.

Para ofrecer un mellor servizo e facer mais accesible a información e os trámites á cidadanía, neste ano, realizamos unha reforma nas oficinas municipais. Desta forma, nun único contacto, os veciños e administrados que cada día veñen ó concello poderán resolver as súas necesidades de maneira centralizada.

Quero agradecer o voso apoio, reiterando o noso compromiso en seguir xestionando de maneira responsable os recursos municipais e continuar traballando polo desenvolvemento deste concello e pola mellara da calidade de vida e benestar de todos os veciños e veciñas.

Aproveito a ocasión para desexarvos a todos os veciños e veciñas unhas Felices Festas de Nadal e un ventureiro ano 2017.

Manuel Taboada Vigo